Общее·количество·просмотров·страницы

четверг, 14 декабря 2017 г.

ҚАРИНДОШГА УЙЛАНМАЙМАН
Ҳар бир ота-она фарзандининг ўзига мос жуфти бўлишини, у билан бахтли ҳаёт кечиришини, шириндан-шакар неваралари бўлишини чин дилдан истайди, ҳар бир дуосида, фотиҳага қўл очилган пайтда шу мазмундаги ниятларни билдиради. Албатта, билдирилган истак-ниятлар амалга ошиши йўлида бирмунча саъй-ҳаракатлар қилишади. Совчиликка бориш, тўйга зарур нарсаларни олиш, хуллас, тўйолди ва тўй кунги, тўйдан кейинги маросимларга пухта тайёргарлик кўришади. Пул кетса кетсин, обрў кетмасин, деб ҳамма дастурларни ортиғи билан амалга оширишади.

Никоҳ аслида шаъриатда ҳам, бизнинг қонунларимизда ҳам икки тараф, яъни йигит ва қизнинг розилиги билан амалга оширилган. Халқимизда “Ота рози – Худо рози” деган гап борлиги аниқ. Лекин бу дегани яқин қариндошга турмуш ўртоқ бўлишда ота-она розилиги кифоя дегани эмас-ку! Бироқ ҳамма замонлардаям ўз фарзандининг ҳис-туйғуларини поймол этувчи, унинг хоҳиш-истакларига қарши чиқувчи ота-оналар ҳам топилади. Улар қанақадир манфаатни кўзлаб ўз фарзандини истамаган кишиси билан никоҳдан ўтишга кўндиришади. Бу “ғамхўрлик”ларнинг қанақа якун топиши билан асло қизиқишмайди. Охир-оқибат бирор муаммо чиқиши тайин. Сабаби бир-бирини танимаган ёшлар, айниқса, ҳали турмушга тайёр бўлмаган ўсмирлар бунга кўникишлари анча қийин. Масаланинг яна бир томони борки, айни пайтда у ҳам долзарб аҳамиятга эга. Кўпчилик ёшларимиз яқин қариндошлар ўртасидаги никоҳ “қурбон”ига айланиб қолишмоқда. Бу ёшлар ўзи хоҳлаб эмас, албатта ота-онасининг истаги рўёби учун никоҳга рози бўлишаётир. Аммо бу хато эканлигини била туриб тўйга кўнишади. Хатолари натижасида баъзида қариндош-уруғчилик муносабатларига путур етказиб қолмасдан, ногирон ва заиф фарзандларнинг дунёга келиши ёхуд муддатидан олдин туғруқларга сабаб бўлишмоқда. Ўзим гувоҳ бўлган реал воқеалар ҳақида айтиб ўтсам. Битта синфошимнинг ўз жонига қасд қилишига ҳам танимаган-билмаган кишисига унаштирилиши сабаб бўлди. Курсдошимнинг турмуш ўртоғи тоғасининг ўғли. Икки нафар фарзандли бўлишган. Ўғил фарзандининг бир қатор нуқсонлари борлигини эштиганман. Аттанг, дейсан киши. Ўн нафар аммам ва олти нафар холам бор. Уларнинг ҳам бир-икки нафари қариндошларимизга келин бўлишган. Аммаларимнинг икки нафари қариндошларимизга, устига-устак бир хонадонга келин бўлишган. Тушунмовчиликлар сабаб иккаласи ҳам ажрашишган. Қариндошларимиз билан борди-келдига ҳам табиий равишда чек қўйилган. Яна бир аммам ҳозирда қариндошимзга келин бўлиб яхши яшаётган бўлса-да битта қизи жуда заиф. Холаларимнинг бир нафари тоғасининг келини сифатида, бир нафари холасининг келини сифатида яшаётирлар. Эштишимча ораларидан гап ўтса ёки келинлар бегуноҳ бўлсалрда қариндошлик ришталари узилмаслиги учун чидаб яшашга мажбур эмишлар.
 

Олийгоҳни тугатишимга бир неча ой қолибдики, оила аъзоларим ҳаёлида мени уйлантириш фикри тобора қатийлашмоқда. Тўғри, мени бахтиёр кўриш, эл-юрт олдида орзу-ҳавас билан тўй қилиш улар учун, айниқса ота-онам учун муҳим. Бироқ келинликка номзодларнинг асосийлари аммамнинг ёки холамнинг қизи, отам амакиларининг неваралари. Бошқа бирлари бўлса мен умуман танимайдиган қизлардан. Нима бало, маҳаллада мен таниган-билган бошқа қизлар келинликка муносиб эмасмикан? Ёки кўнглимга қулоқ солиб кўриш мумкинмасмикан? Ота-онам, акам ва келинойимнинг келинликка номзод қариндош қизларни атайлаб отиғи билан таърифлашлари ҳаммасидан ҳам ошиб тушади. Тавба, худди мен ўз қариндошларимни, тўғрироғи, сингил ўрнидаги қизларни билмасам...

 

ШОҲИДБЕК    
 

SOZ QUDRATI

 

Yaxshilar yoninda yurgil sen ozing,

Dur bolsin doimo sozlagan sozing.

Olimlarni oqisang ochilar kozing,

Johilni tinglasang kordek bolarsan.

Maxtumquli.

Har bir shaxsning jamiyatda oz ornini topishida, jamiyat a’zolari orasida hurmat qozonishida uning samimiyati va muloyimligi alohida ahamiyatga ega hisoblanadi. Muloyim soz insonning dostlarini kopaytiradi, obrosini oshiradi, shu orqali boshqalar hurmatiga sazovor boladi. Sozni oz ornida ishlata bilish ham mahorat sanaladi. Chunki, har xil davralarda: do‘stlar, oila a’zolar, qarindoshlar, kasbdoshlar, hamkorlar, o‘quvchilar yoki yoshlar oldida sozlash biror maqsadga yo‘naltirilgani bilan bir-biridan ajralib turadi. Har qaysi kishi o‘zi haqida boshqalarda sozlagan sozi orqali taassurot qoldiradi.

Hozirgi paytda ayrim tengdoshlarimiz orasida sozlashish madaniyatining ancha sayoz ekaniga guvoh bolamiz. Kocha-koyda yoshlarning bir-biriga  qopol, beandishalik bilan uyatli sozlarni aytishi yoki so‘kinishi holatlariga ham, afsuski, ro‘baro kelib qolamiz. Bunday so‘zlashuv uslubi qanchalik togri? Bu holga sababchi o‘smirlarning ma’naviyati sustligi, oilada yaxshi tarbiya olmaganligi, ta’lim-tarbiya beruvchilarning e’tiborsizligimi yoki bu hozirgi zamonda “urf”ga aylangan sozlashuv “madaniyat”imi? Bunday savollar har bir ziyoli va ma’naviyatli kishiga tinchlik bermasligi tayin!

Axir, bu yangligmuomala, albatta, atrofdagilarga ham tasir etadi-ku! Natijada bitta so‘z avtobusdagi yo‘lovchilarning yoki biror bazmdagi davradoshlarning kayfiyatiga salbiy ta’sir ko‘rsatishi turgan gap. Qolaversa, og‘ziga kelgan so‘zni gapirgan kishining obro‘si ham bir pul bo‘ladi.

“Yaxshi soz - jon ozigi”, - deydi, dono xalqimiz. Soz goyat katta kuch-qudratga ega vosita hisoblanadi. O‘sha kuchdan qay tarzda foydalana olish so‘zlovchiga bog‘liq. Ya’ni, bitta so‘z orqali o‘zining ezgu maqsadiga yetishi mumkin. Aksincha, turli xil yomon gap-so‘zlar biror kishining hayotiga nuqta qo‘yishi ham ehtimoldan holi emas.

Kishi biror bir yomon gapi orqali insonlarning dilini og‘ritib qo‘yishi mumkin. Axir, “Oq yarasi bitar, soz yarasi bitmas”, “Togu-toshni sel buzar, odamzotni soz buzar” kabi naqllar ham bejiz aytilmagan. Ular sozning qudratini yaqqol namoyon etadi. Muqaddas dinimizning manbalarida, xususan Quro’ni Karimda “Bandalarimga ayt, yaxshi sozlarni  sozlasin. Albatta, shayton ularning orasiga dushmanlik solib turadi” deyilgan. Bundan tashqari, birovning diliga ozor berib, uni vayron qilgan, xuddiki, Ka’bani vayron qilgan kabi bo‘lishi aytilgan. Anglashimiz mumkinki, muloyim va samimiy sozlash, nafaqat bu hayotimizni bezaydi, balki  insonning oxirati obod bo‘lishi yo‘lida ham asqotadi.

Sharqona odatlarga asosan ham, shirinsoz bolish ta’kidlanadi. Ma’lumotlarga ko‘ra, Xitoyda “yuzida muloyimlik bolmagan odam dokon ochishi mumkin emas” degan qoida bor.

Kundalik sozlashuvda “kechirasiz”, “aybga buyurmang” kabi sozlarni koproq ishlatgan ma’qul. Hilmli bolish suhbatdoshingizda “siz menga yoqasiz”,  “sizni korganimdan xursandman” degan taassurotni qoldirishi tayin. Insonni, ya’ni suhbatdosh kishini quvonch va e’tibor bilan tinglash kerak. Hilmli bo‘lishda esa, ko‘p kitob o‘qish muhim ahamiyatga ega. Badiiy kitob o‘qish orqali so‘z boyligimiz oshadi. Shundagina, “parazit” so‘zlardan va turli xil o‘rinsiz iboralarni aytishdan tiyila olamiz. Suhbatdoshimiz diliga xush yoqadigan so‘zlarni gapiramiz.

 
ЕТАКЧИ ТИНИМ БИЛМАЙДИ
Бугун ёшлар иттифоқи ҳақида билмаган, эшитмаган кишини топиш мушкул. Ёшлар иттифоқи тенгдошларимиз ҳаётига тобора чуқур кириб бориб, уларнинг порлоқ келажагини таъминлашга бош бўлмоқда.  Ўзбекистон ёшлар иттифоқи Хоразм вилояти кенгаши раиси Мансурбек Машарипов Гурлан ва Янгибозор туманларида бўлиб, касб-ҳунар коллежлари ва умумий ўрта таълим мактаблари ўқувчи ёшлари ва етакчилари билан учрашди. Гурланда аҳвол қандай?

Гурлан туманидаги 16-сонли умумий ўрта таълим мактабида бўлган Ёшлар етакчиси 9- ва 6-синф ўқувчилари билан суҳбат ўтказди. Қониқарлилик даражасидан кўнгли тўлмаган вилоят Кенгаши раиси Гурлан иқтисодиёт коллежи томони йўл олди. Мазкур касб-ҳунар коллежи Қорақалпоғистон Республикаси билан чегарадош бўлган "Дўсимбий" қишлоғида жойлашган. Чекка туман бўлишига қарамасдан ўқиш ва изланишга маҳкам бел боғлаган ёшлар кўзида жўш урган ғайрат Ёшлар етакчисини қувонтирди.
-          Вилоятимизнинг чекка-чекка туманларидаги барча ёшлар сиздан ўрнак олса арзийди, деди вилоят Кенгаши раиси хайрлашув маҳали.





39 НАФАР ЎҚУВЧИ ДАРС ВАҚТИДА ЎЗ ЖОЙИДА ЭМАС. НЕГА?
7 декабр куни Ўзбекистон ёшлар иттифоқи Хоразм вилоят Кенгаши, Урганч шаҳар Кенгаши ҳамда кўнгиллилардан тузилган жамоатчи ёшлар гуруҳи аъзолари билан биргаликда профилактик рейдлар ташкил этилди. Рейд давомида Урганч шаҳридаги 1, 3, 5, 10-сон мактаблардан 18 нафар ўқувчи дарс вақтида ўз жойида эмаслиги аниқланди.
Бундан ташқари Хонқа қурилиш касб-хунар коллежининг 1 нафар, Урганч шаҳридаги 1-сон академик лицейининг 9 нафар, Урганч қурилиш касб-хунар коллежининг 2 нафар, Урганч шахар политехника касб-хунар коллежининг 6 нафар, Урганч олимпия захиралари касб-хунар коллежининг 3 нафар ўқувчиси дарс вақтида ўз жойида бўлмасдан интернет клуб(playstation)ларда еканлиги аниқланиб, ўқиш жойларига маълум қилинди ва муассаса раҳбарияти ва гуруҳ раҳбарига жавобгарлик юклатилди. Ўқувчилар ва уларга масъул шахслар ўртасида тушунтириш ишлари олиб борилди.
Азиз тенгдош ҳамма нарсанинг ўз ўрни ва вақти бўлади. Дарс пайтида синфхонасида бўлишимиз лозим эмасми? Ахир Давлатимиз биз ёшларга қанчадан-қанча қулай шароитлар яратиб қўйибди. Улардан унумли фойдаланмаслик бизга ярашмайди. Хулоса ўзингиздан...

O`zbekiston  yoshlar ittifoqining Hindistonga tashrifi: delegatsiya tarkibida Ittifoqning Qoraqalog`iston Respublikasi Kengashi xodimi - Ruslan Tashimov ham bor. Ko`rib turganingizdek, akamiz bir qator hind millatiga mansub do`stlar orttiribdi.
ТЎРТ ЙИЛЛИК ТЎҒЁН
Қорақалпоқ, сени борингча севдим
Ёримдан оляпман мен ҳам андаза.
Ана, Увайс бобо тоғини кўрдим
Бунда-чи тошлар ҳам очгандек аза.
 
Жайҳун алқар мени яна кафтида
Ўрганган худдики менинг онамдан.
Хавотирланмагин десам афтидан
Чилпиқ хабар топар борётганимдан.
 

Тўрт йил саҳролардан хушбўйлар топдим

Дўст бўлдим мангуга, сенсан оромим.

Амунинг лабига бориб йиғладим

Зора тўлиб қолса, денгиз - Оролим.

 

Қайтгим келмаяпти воҳам, қишлоққа

Сулувлар сабабми, балки билмасам?

Бахтимни бераман Қорақалпоққа

Орол тўлса бас, бир умрга йиғлайман.

ЧИЛИМГА ЧОПМА, БИЛИМГА ЧОП, АЗИЗ ТЕНГДОШ!

Кейинги пайтларда тунги бар, кафе ва ресторанларда кальян, яъни, чилим чекиш урф бўлиб бормоқда. Жаҳон соғлиқни сақлаш ташкилоти маълумотларига қараганда, чилим чекиш инсон саломатлигига путур етказиши, унинг зарари сигарета чекишдагидан кам эмаслиги аниқланган. Чекиш пайтида ичга тортилган тутун таркибида заҳарли моддалар бўлиб, улар ўпка саратони, юрак қон-томир ва бошқа бир қанча касалликларнинг пайдо бўлишига олиб келади. Ўртача меъёрдаги чилим чекилганда сийдикдаги никотин даражаси 73 баробарга, катонин моддаси – 4 баробарга, ўпка ва ошқозон ости бези саратони келтириб чиқарувчи тамаки никотини – 2 баробарга кўтарилади. Бундан ташқари, бензол ва акроленнинг парчаланишидан ҳосил бўладиган моддалар саратон ва ўткир респиратор касалликларни келтириб чиқаради.

Бир неча йиллар давомида фақат чилим чекиб, кўп миқдорда тамаки истеъмол қилган одамларнинг саратон касалига учраш даражаси катта. Бир марта кальян чекиш давомида танага тушадиган зарарли моддалар 60 та сигарета чекишдаги зарарли моддалар миқдорига тенг бўлар экан.

Хўш, чилим ўзи нима? Унинг таркибида қандай моддалар мавжуд? Унинг инсон саломатлиги учун зарарли жиҳатлари айнан нималарда кўринади? Аслида чилимнинг таркиби нималардан иборат? Уни истеъмол қилаётганлар салбий оқибатлари хусусида биладими?

Тадқиқотлар унинг зарарини исботлади

         Чилим дастлаб Ҳиндистонда пайдо бўлиб тез суръатларда Ҳинди-Хитойдан Мараккогача бўлган ҳудуддаги давлатларда кенг тарқалган. Европада эса ХIХ асрда оммалашди. Жаҳон Соғлиқни сақлаш ташкилоти баёнотига кўра, уни мунтазам чекиш юрак оғриғи, ўпка ва ошқозоности бези саратонига сабаб бўлади. Шунинг учун ҳам Буюк Британия кардиология фонди мамлакатда чилимхоналар оммалашаётганидан хавотир олмоқда. Англиялик шифокорлар ўтказган охирги сўров натижаларига кўра, инглиз ёшларининг 40 фоизигина чилим таркибида тамаки борлигини билади. Бугунги кунда дунёнинг кўплаб давлатларида, жумладан, Франция, Австрия, Италия, Германия каби Европа давлатлари, Украина, Туркия, Қувайт, БААда чилим чекиш қонун билан ман этилган. Бундай тақиқларга асос қилиб чилим чекиш оқибатида тарқалган хавфли юқумли касалликлар кўрсатилмоқда.

Чилим бу тамаки моддасининг махсус идишга солинган варианти эканини таъкидлайди мутахассислар. Сигарет чекканда тутун нафас йўли орқали ўпкага тўғри борса, чилим тутуни организмга бутун аъзолар орқали аста-секин сингади. Лекин ўрганиб қолиш, шу нарсага муте бўлиш иккаласида ҳам бир хил. Чилимдаги мазали ҳар хил мевалар таъми ва хушбўй ҳид аслида кимёвий моддалар натижасидир. Бир литр чилим таркибида 1,79 мг СО (заҳарли ис гази) мавжуд. Уни доимий равишда исътемол қилган инсонда бронхиал астма, ўпка зотилжами, ўпка сили, сурункали йўтал пайдо бўлади ва сўлак орқали ошқозонга ўтиб овқат ҳазм қилиш тизимини ишдан чиқаради. Ҳаттоки, айрим барларда чилим ичига кам миқдорда гиёҳванд модда қўшиб юбориш ҳолатлари ҳам учрайди. Чунки баъзи одамлар фақат айнан бир жойдаги чилимни чекишни хоҳлаши кузатилган. Уларга фақат ўша жойдаги чилимгина хуш ёқади. Аслини олганда, ҳамма чилимнинг ҳам таркиби бир хил. Шунчаки, доимий мижозларга эга бўлиш учун замонавий «тадбиркорлар» қинғир йўлдан ҳам қайтишмайди.

Юқумли касалликлар тарқатувчиси

Чиндан ҳам, сўнгги пайтларда кишининг кўзини қувнатадиган даражада бежирим, чиройли идишларга солинган чилим кўпгина кафе   ва барларда зиёфат кўркига айланиб бормоқда. Аммо унинг зарарли асоратларини ҳамма ҳам билавермайди. Бунга мисол қилиб, чекиш найида ва чилим суюқлигида ичак таёқчалари, стафилококк, ачитқи, замбуруғ ва бошқа микроб аниқланганини таъкидлаш зарур. Зиёфат чоғида ҳар кимга алоҳида-алоҳида чилим буюртирилмайди. Битта-иккита чилимни ҳамма биргаликда навбатма-навбат чекади. Шифокорларнинг айтишича, бу ҳам гигиеник жиҳатдан умуман талабларга жавоб бермайди. Чунки сўлак бези орқали кўпгина юқумли касалликлар одамдан-одамга осон ўтади. Энг ёмони, чилим тумшуғи тозаланмайдиган ускунадир. Ҳеч ким трубкани дезинфекция тозаловидан ўтганига кафолат беролмайди. Бундай жойлар нам ва иссиқ бўлиши инобатга олинса, касаллик юқтирувчи вирусларнинг ривожланиши учун қулай шароитдир. 

 
Қонун нима дейди?

Юртимиз қонунчилигида ҳам чилим чекишни чеклашга оид нормалар белгиланган. Жумладан, «Алкоголь ва тамаки маҳсулотларининг тарқатилиши ҳамда истеъмол қилинишини чеклаш тўғрисида»ги Қонуннинг 3-моддасида «тамаки маҳсулоти — тамакидан ёки унинг ўрнини босувчи нарсадан тайёрланган ҳар қандай маҳсулот» деб изоҳ берилган. Демак, чилим таркибида тамаки моддаси бўлганлиги сабабли қонунга мувофиқ, у тамаки маҳсулоти ҳисобланади. Қонунда белгиланганидек, иш жойларида, соғлиқни сақлаш, таълим, спорт-соғломлаштириш муассасаларида, ёнғин чиқиш хавфи бўлган жойларда, шу жумладан, автомобилларга ёнилғи қуйиш шохобчаларида ва бошқа жамоат жойларида, (тамаки маҳсулотини истеъмол қилиш учун махсус ажратилган жойлар ва (ёки) хоналар бундан мустасно), шунингдек, жамоат транспортининг барча турларида тамаки маҳсулотини истеъмол қилишга йўл қўйилмайди. Чилим маҳсулотини таклиф этаётган рес­торан ёки барлар эса бу фаолият учун тегишли тартибда лицензия олиши талаб этилади.

Муҳими, қонунларимизда бу иллат билан курашишга оид тартиблар такомиллаштирилган. Бир лаҳзалик ҳузур деб соғлиғимизга катта зиён етказишни ўйлаб кўрсак, кифоя!

 Интернет материаллари асосида

 

 

SAHRODAGI “LUVR”GA SAYOHAT

Poytaxtimizda o‘zining o‘zgacha uslubi bilan butun dunyoga mashhur, avangard uslubi bo‘yicha dunyoda ikkinchi o‘rinda turuvchi Savitskiy nomidagi Qoraqalpoq davlat muzeyiga maktabimiz 7-sinf o‘quvchilari bilan tashrif buyurgan edik.

Muzey o‘zining original eksponatlarga boyligi  bilan butun dunyo sayyohlarining diqqatini o‘ziga tortgan. Bu yerga kelib ketuvchilarning, ayniqsa, chet elliklarning soni judayam ko‘p.

Muzeyda yaqinda Bazarbay Sarekeyev asarlarining ko‘rgazmasi o‘tkazildi. Uning ijod na’munalari hammaning diqqatini o‘ziga jalb etdi.
 

 

Bu hashamatli muzeyning asoschisi Igor Sovetskiy haqida ko‘plagan ma’lumotlarga ega bo‘ldik. Igor Sovetskiy 1715-yili Ukrainaning Kiyev shahrida tug‘ilib, Rossiyadagi oliygohlarning birini tugatgan. Taqdir taqozosi bilan Qoraqalpog‘istonning To‘rtko‘l va Ellikqal’a tumanlarida va boshqa joylarda bo‘lib, tarixiy yodgorliklar hamda qoraqalpoqlarning milliy madaniyatini o‘rgangan.

Muzeyda bir biridan qiziqarli kartinalar judayam ko‘p. Ularning har biri kishining diqqatini o‘ziga tortadi. Eksponatlar orasidan joy olgan  “Mariya Magdalena nolasi” asari menda o‘zgacha qiziqish paydo etdi. Biz kabi yoshlar uchun bu muzeyda tarix haqidagi ma’lumotlar juda ko‘p ekan.

 
ТУМАНЛАРДА КОНСТИТУЦИЯ ТАРҒИБОТИ
         Яқинда Ўзбекистон ёшлар иттифоқи Қорақалпоғистон Республикаси кенгаши ташаббуси билан барча туманларда Ўзбекистон Республикаси Конституцияси қабул қилинганлигининг 25 йиллиги муносабати билан “Ўзбекистон Республикаси Конституцияси – инсон манфаатлари ва қадр-қимматининг ҳуқуқий асоси”  акцияси доирасида тарғибот тадбирлари ташкил этилди. Тарғибот тадбирларида Республика ёш тарғиботчилар маркази волонтёрлари, юриспуреденция  йўналиши бўйича таҳсил олаётган талабалар ҳамда иттифоқ фаолларидан иборат гуруҳлар чекка туманлардаги ёшлар орасида бош қомусимизнинг мазмун-моҳиятини очиб берувчи маълумотлари билан ўртоқлашди.

Акциянинг биринчи кунида Беруний, Қонликўл ва Хўжайли туманларидаги касб-ҳунар коллежларидаги ўқувчиларнинг Ўзбекистон Республикаси Конституцияси ҳақидаги билимлари мустаҳкамланди. Иккинчи кун эса, Шуманай, Нукус туманлари ва Нукус шаҳридаги ёшлар орасида тарғибот ишлари олиб борилди.   
“Пойтахт Нукусдан келган ёшлар бизларга асосий қонунимизга оид билимлар бериш билан бир қаторда унинг ҳаётимизда тутган ўрни ва аҳамиятии ҳақида ҳам айтиб ўтишди. Бунақа тадбирларнинг туманимизда ва коллежимизда кўпроқ ўтказилишини хоҳлаймиз. Сабаби ўз тенгдошларимизнинг маслаҳатлари натижасида кўп натижаларга эришамиз. Туманимизда ташкил этилаётган “Ёш тарғиботчилар” гуруҳига қўшилиш ниятим бор. Мен ҳам бошқа таълим муассасаларида муҳим мавзуларда тарғибот олиб боришни истайман. Бугнги тарғибот тадбири менга қанот бағишлай олди, - дейди Беруний қишлоқ ва сув хўжалиги касб-ҳунар коллежи 3-босқич ўқувчиси Мухтор Темурбеков.


Нукус шаҳридаги ёшлар марказида акция якуни бўйича таҳлилий анжуман ташкил этилди. Унда тарғибот тадбирларида фаол қатнашган иштирокчилар Ўзбекистон ёшлар иттифоқи Қорақалпоғистон Республикаси кенгаши томонидан эсдалик совғалари ва фахрий ёрлиқ билан тақдирланди.


БУЮК АЖДОДЛАР МАНГУ ЯШАЙДИ

“Вақт ва ҳаётнинг ўзи Ислом Абдуғаниевич Каримов – замонамизнинг улуғ сиёсатчиси, узоқни кўрадиган ва стратегик фикр юритадиган шахс, дунёда ва турли минтақаларда юз бераётган  ўта мураккаб воқеа-ҳодисаларнинг  моҳиятини давлатчилик нуқтаи назаридан кўра билиш қобилиятига эга бўлган, ўз юрти ва халқи учун, ҳар бир ватандошимизнинг тақдири учун улкан масъулият туйғусини чуқур ҳис қиладиган атоқли раҳбар эканлигини ҳар томонлама тасдиқлади”.

Шавкат МИРЗИЁЕВ,

Ўзбекистон Республикаси Президенти

         Ватанимиз тарихида не-не буюк давлат арбоблари, санъат ва маданият ривожи, илм-фан тараққиёти йўлида фидокорона меҳнат қилган, ўз тақдирини туғилиб ўсган гўша тақдири билан чамбарчас боғлаган ҳолда унинг ривожи йўлида, халқ фаровонлигини таъминлаш борасида тенги йўқ тажриба тўплаб мамлакат фуқаролари кўнглидан жой олган раҳбар кишилар борки, уларнинг ҳар бир сўзи ва амали биз авлодларга ҳудди бир дарслик вазифасини бажаради. Уларнинг босиб ўтган умр йўлини ўрганиш орқали эса инсон доимо ўз Ватанига содиқ, меҳнаткаш, мард, жасур, адолатли ва сабр-тоқатли бўлиши лозимлигини англаб оламиз. Хусусан, Тўмарис ва Широқ каби аждодларимиздан ватанпарварлик, юртга садоқат туйғуларини ўзимизга сингдириб оламиз, буюк саркарда – Амир Темур давлат ва жамият ҳаётида ҳамиша адолатга таяниб иш юритганлигидан адолатли ҳаёт тарзида яшаш лозимлигини англаб оламиз. Соҳибқирон бобомиз “Куч – адолатдадир”, деб бежизга айтмаган бўлса керак, албатта. Ал-Хоразмий, Ал-Беруний, Ат-Термизий, Ал-Бухорий, Ибн Сино, Алишер Навоий каби дунёга машҳур файласуф ва олимларимиз эса ўз асарлари, илмий изланишлари билан  юрт равнағига муносиб ҳисса қўшганлар.
Бугун бу каби аждодларимиз қаторида яна бир буюк сиймо – Ўзбекистоннинг давлат мустақиллиги қўлга киритилишидан тортиб 2016 йилгача бўлган вақт оралиғида мамлакат ривожи йўлида тинимсиз ҳаракат қилган, халқ фаровонлиги, турмуш ободлигига эришиш йўлида жонбозлик кўрсатган инсон Ўзбекистон Республикасининг Биринчи Президенти Ислом Каримовни айтмасдан иложимиз йўқ. Сабаби шундаки, бу сиймо Ўзбекистоннинг ҳар бир фуқароси, яъни, миллати ва динидан қаъти назар юртимизда яшовчи барчанинг бахтли ва фаровон турмуш кечириши учун бутун сайёрамизга машҳур заминда озод ва обод Ватанни бунёд этди. Халқимизнинг улуғ фарзанди ўзбек халқини мустақил тараққиёт сари бошлаб, мамалакатимизнинг жаҳон ҳамжамиятида ўз ўрни ва нуфузига эга давлатлар сафига қўшиш, юртимиз тинчлиги, турмушимиз фаровонлигини таъминлаш борасидаги саъй-ҳаракатлари ҳар биримиз учун беқиёс ибрат ва юксак меҳр-муҳаббат ифодасидир. 



ШОҲИДБЕК

УНУТИШ ГУНОҲИ

Отам қазо қилибди... Онамга қўшилиб йиғладим, йиғладим, яна йиғладим.

Дод-фарёд солдим...

Ёстиғим нам тортибди. Уйғониб яна йиғладим. Оллоҳ, ота-онамни эслатганинг учун беҳисоб шукр!

Қишлоққа сим қоқдим.

-         Ало, дадажон, яхшимисиз, ойим қалай?

Ўйласам катта гуноҳ қилибман...

 

18 ноябрь – Ўзбекистон Республикаси Давлат байроғи қабул қилинган кун

ЮКСАКЛАРДА ҲИЛПИРАЙДИ ВАТАНИМНИНГ БАЙРОҒИ

Азалдан ота-боболаримиз Юрт рамзлари, айниқса, байроғини доимо эъзозлаб, уни жонидан ортиқ кўриб қадрлашган. Байроқни ор-номус дея билишиб, унинг душманлар қўлига тушмаслиги йўлида жон фидо қилишган. Тарихдан маълумки, улуғ ватандошимиз Нажмиддин Кубро умрининг сўнгги лаҳзаларида ҳам Ватан туғини қўлида маҳкам ушлаб, ёвга қарши курашиб халқимиз дилидан чуқур жой олган. Айни пайтда буюк аждодларимизнинг ҳаёт йўллари ва Ватан тимсолларига бўлган ҳурмат-эътибори, садоқати, меҳр-муҳаббати бугунги ёшларимиз учун ҳам ибрат бўлмоқда.
Юртимизда ўтказиладиган байрамларда ватандошларимизнинг қўлида ҳилпираб турувчи Ватанимиз тимсоли ўсиб келаётган наврасталарнинг дилида туғилиб ўсган диёрга содиқлик ва мамлакат келажагига дахлдорлик туйғуларини янада тўлқинлантириши шубҳасиз. Айни пайтда Халқаро спорт мусобақалари ва фан олимпиадаларида ғолиб бўлган юртдошларимизнинг шарафига Ватанимиз мадҳияси янграйди, байроғимиз юксакларга кўтарилади. Бу эса ўз навбатида Она Ватан шаъни ва ғурури тимсоли бўлмиш мустақиллик рамзларига бўлган садоқат ва ҳурматни янада мустаҳкамлайди.

 
 
Истиқлолнинг илк кунлариданоқ давлат рамзларини яратиш масаласига изчил киришилиб, халқимиз юрагидан жой олган Юрт рамзалари дунёга келди. Хусусан, 1991 йил 18 ноябрда “Ўзбекистон Республикасининг Давлат байроғи тўғрисида”ги Қонун қабул қилинди. Ҳужжатнинг иккинчи ва учинчи моддаларида байроғимиз Ўзбекистон Республикаси Давлат суверенитети  рамзи эканлиги, халқаро муносабатларда Ўзбекистон Республикасининг тимсоли бўлиши белгилаб қўйилди.

Байроғимиздаги мовий ранг мусаффо осмон ва обиҳаётни англатади, у яхшилик, донишмандлик, ҳалоллик, шон-шуҳрат, садоқат, юртимизда ҳукм сураётган тинчлик-осойишталик ва хотиржамликни билдирса, оқ ранг азалдан поклик ва беғуборликни ифодалаб келган. Яшил ранг яшариш, янгиланиш ва она табиат тимсолидир. Қизил чизиқлар вужудимизда жўшиб оқаётган ҳаётий қудрат ва давомийлик нишонидир. Янги чиқиб келаётган ой ва ўн икки юлдуз ҳам ўзига хос маънога эга. Маълумки қадим Шарқда ўн икки рақами мукаммаллик ва комиллик тимсоли сифатида қадрланиб келинган.


Бугун Республикамиз байроғини бутун дунё танийди. БМТ нинг Нью-Йоркдаги бош қароргоҳи, Президент Девони, Олий Мажлис палаталари, Ҳукумат биноси, маҳаллий бошқарув идоралари, Ўзбекистон аъзо бўлган халқаро ташкилотлар, мамалакатимизнинг хорижий давлатлардаги дипломатик ва савдо ваколатхоналари, қолаверса, консуллик муассасаларида, элчихоналарида Ватанимиз байроғи доимо ҳилпираб турибди.

Бугун биз Ўзбекистон ёшлари Ватанимиз тимсолларига ҳамиша чуқур ҳурмат-эҳтиром кўрсатмоғимиз, уларни кўз қорачиғидай асрашимиз лозим. Миллий туғимизнинг ва ўзлигимизнинг довруғини янада мустаҳкамлаш йўлида фидойилик кўрсатиб, дунё ҳамжамияти олдида бот-бот мадҳиямизнинг янграши ҳамда байроғимизнинг мангу ҳилпираб туриши мақсадида кучли билим ва тафаккурга эга, жисмонан соғлом бўлиш мақсадида мамлакатимизда яратилган шароитлардан унумли фойдаланишимиз даркор.

Зеро, Ватан тимсоллари халқнинг ор-номуси, меҳр-муҳаббати ва шон-шуҳрати ифодасидир.

 

вторник, 12 декабря 2017 г.


Янги авлод камолоти йўлида

БОЛАМ ДЕБ, ЯШАЙДИ ЎЗБЕК!

        

Халқимиз азалдан жуда болажондир. Ҳар бир ота-она фарзандини ўзидан ҳам ортиқ кўриб, унинг баркамол шахс бўлиб вояга етишида бор имконияти ҳамда куч-ғайратини сафарбар этади. “Болали уй бозор, боласиз уй мозор”, – дейди, доно халқимиз. Ҳақиқатдан ҳам, қайси уйда бола бўлса, шу уйда шодлик, қувонч бўлади. Ҳукуматимиз ҳам азалий қадриятларимизни эъзозлаб, унинг янада сайқал топишида муҳим шароитларни яратиб берган. Хусусан, 1992 йил 9 декабрда Ўзбекистон Республикаси БМТнинг “Бола ҳуқулари тўғрисидаги Конвенция”сини ратификатсия қилди. Жаҳон аҳли халқимизнинг болажонлигига яна бир карра амин бўлишди. Фарзандларимиз бугун тинч ва осойишта Ватанда, имкониятлар ва шароитлар бисёр мамлакатда камолга етаётирлар. Улар учун бир-биридан кўркам ва қулай мактабгача таълим муассасаларининг фаолият юритаётгани келажак авлодларимизнинг ҳар томонлама соғлом бўлишларини таъминламоқда. Мустақиллик йилларида мамлакатимизда миллий таълим ва тарбия тизими давлат сиёсатининг асосий устувор йўналиши даражасига кўтарилиб, мактабгача таълим соҳаси мазкур тизимнинг илк бўғини ҳисобланганлиги боис бутун таълим-тарбия тизимининг асосий мақсади бўлган – баркамол авлодни тарбиялашга эришишда муҳим аҳамият касб этади. Картинки по запросу bolalar rasmlari

Жорий йил бошида Президентимиз томонидан соҳага оид қарор қабул қилинган эди. Мазкур қарорнинг мақсадини давлатимиз  Раҳбари “Мактабгача таълим тизимини янада такомиллаштириш, моддий-техника базасини мустаҳкамлаш, мактабгача таълим муассасалари тармоғини кенгайтириш, малакали педагог кадрлар билан таъминлаш, болаларни мактаб таълимига тайёрлаш даражасини тубдан яхшилаш, таълим-тарбия жараёнига замонавий таълим дастурлари ва технологияларини татбиқ этиш, болаларни ҳар томонлама интеллектуал, ахлоқий, эстетик ва жисмоний ривожлантириш учун шарт-шароитлар яратиш”  деган эдилар. Ана шу ёўналишдан келиб чиққан ҳолда, мамлакатимизда айни кунларда бир қатор ишлар амалга оширилмоқда.Картинки по запросу bolalar rasmlari

Шундай бўлсада, Бош қомусимизнинг 25 йиллиги муносабати билан ўтказилган анжуманда Юртбошимиз мактабгача таълим тизимида қилиниши лозим бўлган ишларимиз жуда кўплигини яна бир бора қуйидагича таъкидладилар: “Айни пайтда фарзандларимиз тарбиясида энг асосий бўғин ҳисобланган мактабгача таълим тизимининг замон талабларига мос келмаслиги ҳам сир эмас. Ушбу соҳага бир пайтлар эътиборимизни сусайтириб юборганимиз оқибатида кўпгина муаммолар йиғилиб қолганини очиқ айтиш лозим. Боғча тарбиясини кўрган боланинг онги, дунёқараши қандай юқори бўлишини бугун кимгадир исботлаб ўтиришнинг, ўйлайманки, ҳеч қандай ҳожати йўқ. Бу ҳолатларнинг барчасини ҳисобга олиб, Мактабгача таълим вазирлиги ташкил этилди. Мазкур вазирлик зиммасига маъмурий ислоҳотлар доирасида белгиланган устувор йўналишлардан келиб чиқиб, бир қатор муҳим вазифалар юкланди. Бу борада қабул қилинган дастурга мувофиқ яқин 2-4 йил мобайнида юртимиздаги барча ҳудудларда – бу катта шаҳарлар бўладими ёки олис қишлоқ ва овуллар бўладими, минглаб янги боғчаларни қуришимиз зарур. Уларни замонавий талаблар асосида жиҳозлаб, малакали тарбиячи ва мутахассислар, янги методика билан таъминлашимиз керак.

Ўзингиз тасаввур қилинг, қишлоқда яшаётган оналар учун, опа-сингилларимиз учун ўз фарзандини боғчага бериш имконияти қандай янги, қандай кенг шароитлар туғдиради. Бола боғчада соғлом турмуш асосида, мактабга тайёр бўлиб вояга етади.

Ҳурматли аёлларимиз боласидан кўнгли тўқ бўлиб, ижтимоий меҳнат билан, уй-рўзғор ишлари билан бемалол шуғулланади. Қолаверса, уларда дам олиш, ўз соғлиғи ҳақида ўйлаш учун озгина бўлса ҳам шароит пайдо бўлади. Шунинг учун мактабгача таълим соҳасида ана шундай улкан ислоҳотларни ҳаётга жорий этиш биз учун ҳам қарз, ҳам фарздир. Қанчалик қийин бўлмасин, бу тарихий вазифани амалга оширишимиз шарт ва уни барчамиз биргаликда албатта амалга оширамиз.

 

 
   

среда, 8 ноября 2017 г.

 
 
“ЭСКИРМАС ЎЙИНЧОҚ”...
Севмоқ, севилмоқ. Бу ҳолатлар деярли ҳар биримизга таниш. Чин муҳаббат соҳиблари аслида энг бахтиёр одамлардир. Сиз бир инсонга қалб риштаси ила боғлангансиз, у эса, сизсиз ҳаётини тасаввур  қила олмаса –бундан ортиқ бахт йўқ!.
 
         Оғайниларим билан тез-тез бирор йиғилиб турамиз. Дийдор азиз, дейдилар. Ҳар учрашганда, албатта, муҳаббатдан гап очилади (ахир, кўпчилигимиз ҳали бўйдоқмиз!). Кимнингдир дилига қўл солиб кўрилади.
***
 
Навбатдаги ўтириш байрам кунига тўғри келди. Зиёфат бериш гали меники. Қўшалоқ базмга ўзгача тараддуд кўрдим. Бир дўстимнинг уйига меҳмон келиб қолган экан. Зиёфат олдиндан белгиланган, келмаса “жаримага тортилиши” тайин. Шу сабабли бояги оғайним тоғасининг биз тенги ўғлини ўзи билан кафега олиб келди. Ўша кеча Темур даврамизнинг меҳмони бўлди. Аввал танишиб олдик, бироз гурунглашгач, меҳмон кутилмаганда: “Ноз-неъматларимиз бисёр-ку, аммо, менимча, энг асосий ичимлик етишмаяпти?”,  - деди дастурхонга ишора қилиб. Ҳамма менга тикилди. “Ҳеч нарсани унутмадингми?”  - деди даврадан биров. “Йўқ, ҳаммасини буюрдим, “Кола”, “Спрайт”, “Фанта”, айтмоқчи, мана, мевали шарбатлар ҳам ҳозирлаб қўйилган”,  - дедим. Темур эса, истеҳзо билан давом этди: “Ароқ-чи, ароқ ичмайсизми?! Ахир, усиз давра қизимайди. Ичмасам, ўйнолмайман...”. Ҳеч ким чурқ этмади. Ҳатто Темурни бошлаб келган дўстим ҳам жим эди. Нима қилишга ҳайронман, бошим қотди. Биламан, бу пайтда спиртли ичимликнинг соғлиққа зарари тўғрисида маъруза ўқиш бефойда. Барибир гапингга биров қулоқ солмайди! Унинг устига атрофимиздаги ҳар бир столда ўша заҳри қотилдан бор. “Меҳмон – отангдан улуғ. Бўлди, истагингни ҳозироқ муҳайё қилишади, тўғрими?”, - деди бошқа бир ошнам мен томон юзини буриб. На илож, офицантни чақирдим. “Лаббай”, - жавоб берди офицант. “Ана шундан борми?” - сўрадим аста бармоғим билан ёнимиздаги столда турган ароқ шишасини кўрсатиб. “Ҳа, бор, боя таклиф қилганимда ичмаймиз дегандингиз ё фикрингиз ўзгардими?”. Мен-ку ичмайман, меҳмонимизга учун сўраяпман. Темур, қанақасидан буюрасан”, - дедим қаътият билан. Хуллас, меҳмоннинг истаги бажо келтирилди.
 
 
 
 
 
Давра қизигач, Темурни гапга тортдим.
 
-         Қачон уйланмоқчисан, кўнгил қўйганинг борми? , - шартта сўрадим? - Ҳа, бўлиб қолар. Шу йил охирларида, дадам айтганидек. Аммо севганиммас, севганларим бор.
 
-         Тушунтириброқ гапир, кўнгил қўйгани битта бўлмайдими?!
 
Шу пайт буюртмамиз ҳам келди. Темур сўрамасидан олдин ҳаммамиз бир овоздан ичмаслигимизни айтдик. “Зоримиз бор, зўримиз йўқ”,  - дея Темур биринчи қадаҳни шартта бўшатди. Қадаҳ сўзини айтишни ҳам боплар экан. Нима эмиш, кейинги базмларгача ҳаммамиз “отадиган” (ичадиган) бўлайликмиш. Даврага сукут чўмди.


 
Бироздан сўнг Темур билан суҳбатни давом эттирдим           - Менга дадам болалигимда жуда кўп ўйинчоқлар олиб берарди, - деди у. - Лекин тезда безиб қолардим. Катта бўлсам, бошқа нарсалар билан овунаман, дердим ўзимга-ўзим. Масалан, машина ҳайдаш билан. Аммо ҳозир бу машғулот ҳам жонимга теккан. Дадамга айтиб неча марта машина алмаштирдим. Ҳар сафар янгисини, зўрини минаман! Энг қимматлариям  кўнглимга ўтирмади. Яхшиям қизлар бор, улар билан телефонда гаплашиб, вақт қандай ўтганини билмай қоламан. Дадажоним жуда меҳрибон. Шаҳар четидаги дала-ҳовлимизни менга топшириб қўйган. “Шу ерда нима қилсанг, қил. Фақат, мени иш пайти безовта қилма”, -  дейди. Уларга ҳам қийин. Чет эл сафарлари, хизмат ташрифларидан бўшамайди. Мени ранжитувчи нарсалар, ўйинчоқларнинг барчасини ёқиб юборганман. Автомобилга жононларни миндириб юраман. Ҳатто севги масаласида ҳам зерикиб қолганман. Бироқ  қизлар билан танишсам мазза қиламан. Шу нарса аниқки, севги “эскирмас ўйинчоқ” экан...     Ҳаммамиз ҳайрон. Шўх мусиқа янграши билан Темур ўйинга туриб кетди. Қизлар даврасига кирди. Биз ҳам ортидан бордик. Бирон муаммо чиқармасин, деб унга кўз-қулоқ бўлиб туришга тўғри келди. Озроқ рақсга тушдик. Зиёфат ҳам тугади. Ҳамма уй-уйига тарқади. Менга эса, кутилмаган меҳмонимиз ҳақидаги ўйлар тинчлик бермасди. Ким билсин, бунақанги базмлар ҳам Темурни аллақачон чарчатиб қўйгандир.
         Бир томондан, ачиниб кетасан, киши. Нега Темурга ўхшаган баъзи тенгдошларимиз учун севгининг қадри қолмаган?! Сиз нима дейсиз, азиз замондош?
ШОҲИДБЕК